Dispela seksen bai kamapim stori bilong Ol Skripsa Grik. Jisas i bon long famili i no gat planti samting, na ol i sindaun long wanpela liklik taun. Em i wok wantaim papa bilong em husat i wanpela kapenta. Jisas em dispela man bai kisim bek ol manmeri. Jehova i makim em olsem King bilong Kingdom bilong heven. Sapos yu wanpela papa o mama, helpim pikinini bilong yu long pilim pasin bilong Jehova long skelim gut na makim famili na ples Jisas bai kamap bikpela long en. Skelim hau Jehova i protektim Jisas na Herot i no kilim em i dai, na hau i no gat wanpela samting i stopim Jehova long kamapim ol samting em i tingting pinis long mekim. Kisim save long hau Jehova i makim Jon long redim rot bilong Jisas. Stori gut long hau Jisas i kamapim olsem em i laikim savetingting bilong Jehova, kirap long taim em i liklik yet.