Bilip
Hau yumi save olsem Jehova i tingim tru bilip olsem bikpela samting?
Jon 3:16, 18; Ga 3:8, 9, 11; Ef 6:16; Hi 11:6
Lukim tu 2Ko 5:7
Ol eksampel long Baibel:
Hi 11:1–12:3—Aposel Pol i stori long bilip em i wanem samting na em i stori tu long planti eksampel bilong ol bilipman na ol bilipmeri, kirap long Abel na i go pinis long Jisas Krais
Jem 2:18-24—Jems i tok olsem yumi mas kamapim klia bilip bilong yumi long rot bilong ol wok yumi mekim olsem Abraham i bin mekim
Wanem samting bai helpim yumi long strongim bilip bilong yumi?
Ro 10:9, 10, 17; 1Ko 16:13; Jem 2:17
Lukim tu Hi 3:12-14
Ol eksampel long Baibel:
2St 20:1-6, 12, 13, 20-23—Taim ol birua i kam pait long lain bilong God, King Jehosafat i tokim ol long bilip long Jehova na ol profet bilong Em na bai ol i ken winim pait
1Ki 18:41-46—Profet Elaija i bilip na em i no les kwik long wet long Jehova long truim tok promis bilong em long pinisim longpela drai sisen