Tok Bilong Strongim Bel
Wai na em i bikpela samting long ol wokman bilong God i mas strongim bel bilong narapela narapela?
Ai 35:3, 4; Kl 3:16; 1Te 5:11; Hi 3:13
-
Ol eksampel long Baibel:
-
2St 32:2-8—Taim ol birua i laik kam pait long lain bilong God, King Hesekia i mekim ol tok bilong strongim bel bilong ol manmeri
-
Da 10:2, 8-11, 18, 19—Wanpela ensel i mekim tok bilong strongim profet Daniel taim em i lapun tru na em i no gat strong
-
Ol elda i mas i gat wanem tingting long pasin bilong strongim ol narapela?
Lukim tu Mt 11:28-30
-
Ol eksampel long Baibel:
-
Lo 3:28; 31:7, 8—Moses i bihainim tok bilong Jehova na em i mekim ol gutpela tok na strongim Josua em man husat bai kisim ples bilong em na mekim wok
-
Ap 11:22-26; 14:22—Long taim i gat pasin birua, aposel Pol na Barnabas i strongim ol Kristen long Antiok
-
Wai na pasin bilong mekim gutpela tok amamas em i bikpela samting bilong strongim ol narapela?
-
Ol eksampel long Baibel:
-
He 11:37-40—Ol yangpela meri Israel i save go lukim pikinini meri bilong Jepta wanpela taim long olgeta yia bilong tok amamas long em i givim em yet long mekim wok bilong God
-
Re 2:1-4—Maski Jisas i gat wok long stretim ol Kristen long Efesus, em i tokim ol tu long ol gutpela wok ol i bin mekim
-
Olsem wanem ol gutpela wokman bilong Jehova i ken strongim narapela narapela?
Pr 15:23; Ef 4:29; Fl 1:13, 14; Kl 4:6; 1Te 5:14
Lukim tu 2Ko 7:13, 15, 16
-
Ol eksampel long Baibel:
-
1Sm 23:16-18—Jonatan i tingim yangpela pren bilong em Devit na em i strongim em long taim bilong hevi
-
Jon 16:33—Jisas i strongim ol disaipel bilong em na tokim ol olsem em i winim pinis strong bilong dispela graun na ol tu i ken mekim olsem taim ol i bihainim eksampel bilong em
-
Ap 28:14-16—Taim aposel Pol i raun i go long Rom bilong kamap long kot, em i kisim strong taim em i lukim ol gutpela brata i raun i kam bilong bungim em na strongim em
-
Wai na yumi mas sakim pasin bilong i no rispek na komplein?
-
Ol eksampel long Baibel:
-
Nam 11:10-15—Moses i bel hevi tru long pasin bilong ol manmeri long komplein na i no bihainim tok
-
Nam 13:31, 32; 14:2-6—Tok bilong 10-pela man bilong lukstil em ol i no gat bilip i mekim ol manmeri i bel hevi na ol i kirap long bikhet
-
Olsem wanem pasin bilong bung wantaim ol wanbilip inap helpim yumi long i gat strongpela bel?
Pr 27:17; Ro 1:11, 12; Hi 10:24, 25; 12:12
-
Ol eksampel long Baibel:
-
2St 20:1-19—Taim wanpela bikpela lain ami i kam pait long lain Juda, King Jehosafat i bungim ol manmeri na beten wantaim ol
-
Ap 12:1-5, 12-17—Bihain long ol i kilim i dai aposel Jems na putim aposel Pita long kalabus, ol kongrigesen long Jerusalem i bung wantaim na beten
-
Olsem wanem pasin bilong tingim bilip bilong yumi bai strongim yumi taim yumi karim bikpela hevi?
Ap 5:40, 41; Ro 8:35-39; 1Ko 4:11-13; 2Ko 4:16-18; 1Pi 1:6, 7
-
Ol eksampel long Baibel:
-
St 39:19-23; 40:1-8—Maski ol i kalabusim Josep long samting em i no bin mekim, em i bilip na wetim God i helpim em na em i redi long helpim ol narapela
-
2Ki 6:15-17—Profet Elisa i no pret taim bikpela lain ami i kam bilong pait long em, na em i beten olsem wokman bilong em tu i no ken pret
-
Baibel i ken strongim bel bilong yumi
Jehova i mekim wanem ol tok promis olsem em bai helpim yumi?
Taim yumi tingim pasin bilong Jehova long i no les kwik na marimari long yumi, olsem wanem dispela i ken strongim yumi?
Jehova i ken mekim wanem bilong strongim ol man i no gat strong?
Sg 46:1; Ai 12:2; 40:29-31; Fl 4:13
-
Ol eksampel long Baibel:
-
1Sm 1:10, 11, 17, 18—Jehova i harim beten bilong Hana na helpim em long kisim bel isi taim em i bel hevi tru na bel nogut
-
1Ki 19:1-19—Taim profet Elaija i bel hevi na i no gat strong, Jehova i givim em bret na wara bilong helpim em. Em i strongim em na mekim gut bel bilong em long rot bilong givim em hop long ol samting bai kamap bihain
-
Olsem wanem ol tok promis bilong Baibel long ol gutpela samting bai kamap bihain i ken strongim bel bilong yumi?
2St 15:7; Sg 27:13, 14; Hi 6:17-19; 12:2
-
Ol eksampel long Baibel:
-
Jop 14:1, 2, 7-9, 13-15—Taim bikpela hevi i painim Jop na em i bel hevi tru, em i save olsem Jehova bai kirapim em bek, na dispela i mekim isi bel bilong em
-
Da 12:13—Profet Daniel i gat klostu 100 krismas, na em i kisim tok bilong strongim em i kam long wanpela ensel husat i tokim em long gutpela pe em bai kisim bihain
-
Taim yumi beten long Jehova na tingim tingim long bel ol save yumi kisim long em, olsem wanem dispela i ken strongim bel bilong yumi?
-
Ol eksampel long Baibel:
-
1Sm 30:1-9—Taim Devit i karim ol hevi, em i beten long Jehova na em i kisim strong
-
Lu 22:39-43—Taim wanpela bikpela traim tru i painim Jisas, em i beten strong tru long Jehova, na Jehova i salim wanpela ensel i kam bilong strongim em
-
Taim yumi harim ol gutpela ripot na stori wantaim ol narapela long en, olsem wanem dispela i ken strongim yumi?
-
Ol eksampel long Baibel:
-
Ap 15:2-4—Aposel Pol na Barnabas i save strongim tru ol kongrigesen ol i go visitim
-
3Jo 1-4—Lapun aposel Jon i kisim bikpela strong tru taim em i harim olsem ol man em i bin skulim ol long gutnius, ol i stap strong yet long bilip
-