Stadi gut long ol tok yu laik mekim. Yu yet i mas save gut long samting yu laik stori long en, na bai yu inap long kamapim long toktok bilong yu yet.

Yusim ol tok i no hatwok long kisim na ol sotpela hap tok. Em orait long mekim ol longpela sentens, tasol bilong kamapim ol bikpela tok, i gutpela long kolim ol sotpela tok na sentens.

Kamapim mining bilong ol tok ol man i no save long en. I gutpela moa yu no mekim wok long ol tok we ol man i harim tok bilong yu i no save long en. Sapos yu laik stori long wanpela tok bilong Baibel we ol man i no save long en, o wanpela man long Baibel, o wanpela mesamen o kastam bilong bipo, orait i gutpela yu kamapim mining bilong en.