Tingim ol samting odiens i save pinis long en. No ken stori tasol long ol samting ol i save pinis long en na em tasol, helpim ol long kisim nupela save long ol dispela samting ol i save pinis.

Mekim wok painimaut na tingim tingim long bel. Sapos inap stori long ol samting em ol man i no save tumas o ol samting i kamap long hap bilong yu bilong kamapim ol bikpela poin bilong tok bilong yu. Tingim gut ol tok yu laik kamapim na ol tok bilong ol buk na nius samting em yu laik kamapim na olsem wanem ol inap sapotim tok bilong yu.

Kamapim klia olsem wanem tok bilong yu inap helpim man. Stori long olsem wanem ol tok bilong Baibel inap helpim ol man i harim tok bilong yu long sindaun bilong ol. Stori gut long sampela tingting na pasin bilong ol man em i stret long ol man i harim tok bilong yu.