Helpim ol man i harim tok bilong yu long skelim ol yet. Kamapim ol askim bilong helpim odiens long skelim tingting bilong ol yet.

Helpim ol long kisim laik long givim bel long mekim ol gutpela samting. Kirapim ol man i harim tok bilong yu long skelim as na ol i mekim ol gutpela wok. Helpim ol long laik long givim bel long mekim ol samting, long wanem, ol i laikim Jehova, ol man, na ol tok bilong Baibel. Helpim ol man i putim yau long tok bilong yu long lukim olsem wanem tok bilong Baibel i kamapim savetingting; no ken sutim tok long ol. No ken mekim ol i pilim sem o bel i gat tok, helpim ol long pilim olsem ol inap long mekim gut wok bilong ol.

Stiaim ol long tingim Jehova. Soim olsem wanem ol tok bilong Baibel, ol stiatok, na ol lo bilong em i kamapim klia ol pasin bilong God na pasin bilong em long laikim yumi. Helpim ol man i harim tok bilong yu long i gat laik long tingim ol samting Jehova i pilim na mekim ol samting em i laikim.