STADI 4
Kamapim Gut Ol Skripsa
ROT BILONG MEKIM:
-
Tingim as na yu ritim wanpela skripsa. Kamapim ol skripsa long pasin we inap helpim ol man i harim tok bilong yu long luksave long poin em skripsa i kamapim.
-
Kamapim olsem Baibel i as bilong tok yu mekim. Taim yu toktok wantaim ol manmeri i bilip long God, yu ken tok olsem Baibel em i “Tok Bilong God,” long dispela rot yu kamapim klia olsem Baibel i nambawan buk i kamapim savetingting.
-
Kirapim tingting bilong man long laik long save long tok bilong skripsa. Kamapim wanpela askim em dispela skripsa bai bekim, o kamapim wanpela hevi em skripsa bai helpim man long stretim dispela hevi, o kamapim wanpela stiatok em wanpela stori i stap long Baibel i kamapim we bai helpim ol long kliagut.