Beten na redim gut tok. Yu mas beten askim God long helpim yu long tingim tok yu bai mekim na i no long yu yet. Tingim ol bikpela tok yu laik kamapim. Kamapim ol tingting long tok bilong yu yet; no ken kolim olgeta wan wan tok olsem i stap long buk o magasin.

Kamapim ol tok olsem yu pilim tru long bel. Tingim as na ol man i mas harim tok yu kamapim. Tingim ol. Orait pasin bilong yu long sanap, mekim han, na pes bilong yu bai kamapim olsem yu tingim tru ol.

Lukluk long ol man i harim tok. Lukluk long ai bilong man taim yu toktok wantaim em. Taim yu mekim tok, no ken lukluk long odiens olgeta, lukluk long ol man wan wan.