I gat planti samting yumi inap mekim bikos yumi stap laip. Maski yumi gat hevi, i gat sampela samting long laip we yumi inap amamas long en. Olsem wanem yumi ken soim olsem yumi tingim tru laip em presen yumi kisim? Na i gat wanem nambawan as na yumi mekim olsem?

1. Wai na yumi mas tingim tru laip?

Yumi mas tingim tru laip bikos em i presen i kam long gutpela Papa bilong yumi, Jehova. Em i “as bilong laip”​—em i wokim olgeta samting i gat laip. (Buk Song 36:9) “Em yet i givim laip na win na olgeta samting long olgeta manmeri.” (Aposel 17:25, 28) Jehova i givim yumi ol samting yumi nidim bilong stap laip. Tasol bikpela samting moa, em i mekim ol samting na bai yumi stap amamas.​—Ritim Aposel 14:17.

2. Olsem wanem yumi ken soim Jehova olsem yumi tingim tru laip?

Kirap long taim mama i gat bel long yu, Jehova i lukautim yu. Holi spirit i kirapim Devit, em wanpela man i save lotuim God, long tok long God olsem: “Ai bilong yu i lukim mi taim mi stap blut yet.” (Buk Song 139:16) Jehova i tingim tru laip bilong yu. (Ritim Matyu 10:29-31.) Em bai bel hevi tru sapos wanpela i min long kilim i dai narapela man o kilim i dai em yet. a (Kisim Bek 20:13) Yumi inap mekim Jehova i bel hevi tu sapos yumi no was gut na mekim ol samting we yumi yet inap kisim bagarap o laip bilong ol narapela inap lus. Taim yumi was gut na lukautim yumi yet na soim rispek long laip bilong ol arapela, yumi soim olsem yumi tingim tru laip em gutpela presen.

 KISIM SAMPELA SAVE MOA

3. Lukautim gut helt bilong yu

Ol Kristen i dediket pinis ol i save yusim olgeta samting long laip bilong ol long mekim wok bilong Jehova. I olsem ol i givim bodi bilong ol olsem sakrifais long God. Ritim Rom 12:1, 2, na stori long ol dispela askim:

• Wanem samting i mas kirapim yu long lukautim gut helt bilong yu?

• Wanem sampela rot yu ken mekim olsem?

 5. Tingim gut laip bilong bebi i no bon yet

Devit i tok piksa na stori long Jehova i tingim tru laip bilong bebi taim em i wok long kamap insait long bel bilong mama. Ritim Buk Song 139:13-17, na stori long dispela askim:

• Long ai bilong Jehova, laip bilong man i kirap long taim mama i kisim bel o long taim em i bon?

Ol lo Jehova i givim long ol Israel i lukautim ol mama na ol bebi bilong ol i no bon yet. Ritim Kisim Bek 21:22, 23, na stori long ol dispela askim:

• Jehova i ting olsem wanem long wanpela i no min long mekim samting na bebi i stap yet long bel bilong mama i dai?

• Em i ting olsem wanem long wanpela i min long kilim i dai bebi i stap yet long bel? b

• Yu pilim olsem wanem long tingting bilong God?

Pilaim VIDIO.

Meri husat i tingim laip i bikpela samting, ating em tu inap pilim olsem rausim bel em wanpela rot tasol em i mas bihainim. Ritim Aisaia 41:10, na stori long ol dispela askim:

• Sapos ol i putim presa long meri i mas rausim bel, em i mas askim husat long helpim em? Bilong wanem?

 OL BIKPELA POIN

Baibel i skulim yumi long laikim, soim rispek, na lukautim laip em presen Jehova i givim yumi. Dispela i makim laip bilong yumi yet na bilong ol narapela.

Riviu

• Wai na laip bilong man i bikpela samting long ai bilong Jehova?

• Jehova i ting olsem wanem long man i min long kilim i dai narapela man o kilim i dai em yet?

• Wai na yu tingim tru laip em presen yu kisim?