Ol Kristen long kongrigesen long Tesalonaika i karim hevi, tasol ol i soim pasin laikim long ol wanbilip bilong ol. (2Te 1:3, 4) Ol manmeri bilong Jehova long nau i soim wankain pasin laikim long ol bratasista long olgeta hap bilong graun. Atikol siris long jw.org, “How Your Donations Are Used,” i stori long hau ol donesen bilong yupela i sapotim ol bratasista long dispela taim bilong hevi. Mipela i laik tok tenkyu long pasin laikim na pasin bilong yupela long givim samting.

PILAIM VIDIO OLTAIM MIPELA “TOK TENKYU LONG GOD LONG YUPELA,” NA BIHAIN BEKIM OL DISPELA ASKIM:

• Ol donesen bilong yumi i sapotim wanem ol wok?

• Wanem gutpela rot bilong yusim mani long sapotim ol bratasista i nidim helpim?—Lukim tu atikol long jw.org, “Surplus Offsets a Deficiency”