BILONG WANEM EM I BIKPELA SAMTING: Jehova i save mekim pikinini kaikai bilong tok i tru i kamap bikpela long bel bilong ol man em “bel bilong ol i gutpela long kisim laip oltaim.” (Ap 13:48; 1Ko 3:7) Yumi wok wantaim Jehova long rot bilong wok strong long autim tok long ol man i bihainim tok ol i lainim. (1Ko 9:26) Ol Baibel sumatin i mas save olsem baptais bilong Kristen em wanpela bikpela samting bilong God i ken kisim bek ol. (1Pi 3:21) Yumi helpim ol long kamap ol disaipel long rot bilong skulim ol long mekim ol senis long laip bilong ol, insait long wok autim tok na skulim ol man, na dediketim laip bilong ol long Jehova.—Mt 28:19, 20.

ROT BILONG MEKIM:

• Kirapim ol Baibel sumatin long luksave olsem as na ol i stadi em bilong helpim ol long “kisim save” long Jehova na mekim ol samting em i laikim.—Jon 17:3

• Helpim ol long kamap strong long bilip long rot bilong winim ol traim, kain olsem lusim ol pasin nogut ol i gat na sakim ol poroman nogut

• Strongim ol paslain long ol i kisim baptais na bihain long ol i kisim baptais pinis.—Ap 14:22

LUKIM VIDIO JEHOVA BAI HELPIM YU, NA BEKIM OL DISPELA ASKIM:

• Wanem sampela samting inap mekim na wanpela i pret long dediket na kisim baptais?

• Olsem wanem ol elda inap helpim ol Baibel sumatin long kamap strong long bilip?

• Aisaia 41:10 i skulim yumi olsem wanem long pasin bilong Jehova?

• Wanem ol pasin bai helpim yumi long lotuim Jehova long rot em i laikim, maski yumi no gutpela olgeta?