BILONG WANEM EM I BIKPELA SAMTING?: Lain God i bin makim long holi spirit na ol arapela sipsip i singautim olgeta kain manmeri i kam ‘kisim wara bilong laip, em ol i ken kisim fri.’ (Re 22:17) Dispela wara i makim olgeta samting Jehova i mekim bilong kisim bek ol gutpela manmeri long sin na dai. Yumi mas kamapim “gutnius bilong i stap oltaim oltaim” long pasin we ol man inap pilim, na bai yumi ken helpim ol manmeri bilong kain kain kastam na lotu.—Re 14:6.

ROT BILONG MEKIM:

• Makim wanpela tok na skripsa we bai kirapim tru bel bilong ol manmeri long teritori bilong yu. Yu ken makim wanpela tok long Miting Wok Buk o makim wanpela tok we yu yusim na i bin wok gut. Wanem ol tok na skripsa ol man i save amamas long harim? Olsem wanem? I gat wanpela stori i kamap long nius em planti man i save long en? Wanem tok bai i stret long man na wanem tok bai i stret long meri?

• Taim yu toktok wantaim man, tok gude long em na bihainim ol pasin bilong ples we i stret long hap bilong yu.—2Ko 6:3, 4.

• Yu mas kliagut long ol buk na nius na vidio i stap long hap Ol Tul Bilong Skulim Man na bai yu ken stori long man i gat laik long harim tok

• Yu ken daunlodim ol buk na nius long ol tokples bilong ol manmeri em yu inap bungim long teritori bilong yu

• Senisim tok bilong yu na bai i stret long man bilong haus. (1Ko 9:19-23) Olsem, sapos man bilong haus i tok wanpela long famili bilong em i dai, bai yu mekim wanem tok?

LUKIM VIDIO, NA BIHAIN BEKIM OL DISPELA ASKIM:

• Pablisa i yusim wanem tok bilong toktok wantaim man bilong haus?

• Man bilong haus i gat wanem hevi?

• Wanem ol skripsa i stret long yusim long dispela taim? Na bilong wanem ol i gutpela?

• Olsem wanem yu save senisim tok bilong yu na bai i stret long ol manmeri long teritori bilong yu?