Long bipo na i kam inap nau, ol gavman i bin helpim lain bilong Jehova. (Esr 6:1-12; Est 8:10-13) Long nau, yumi lukim “graun”—em sampela lain bilong dispela graun—ol bai kirap na daunim pasin birua, em “traipela snek,” em Satan dispela Devil i kamapim na i olsem ol i daunim “dispela wara.” (Re 12:16) Sampela taim Jehova, em “God i save kisim bek yumi,” i save kirapim ol bikman bilong graun long helpim lain bilong em.—Sg 68:20; Pr 21:1.

Olsem wanem sapos ol i kalabusim yu long wanem yu laik stap gut long bilip? Yu mas bilip tru olsem Jehova i lukim yu. (St 39:21-23; Sg 105:17-20) Na yu ken bilip tru olsem Jehova bai bekim gutpela pe long yu, na tu, pasin bilong yu long holimpas bilip bai strongim ol bratasista bilong yu long olgeta hap bilong graun.—Fl 1:12-14; Re 2:10.

LUKIM VIDIO OL BRATA LONG KOREA I LUSIM KALABUS, NA BIHAIN BEKIM OL DISPELA ASKIM:

• Bilong wanem insait long planti yia planti tausen brata long Saut Korea i go kalabus?

• Wanem ol disisen ol kot i wokim i opim rot bilong sampela brata long lusim kalabus paslain long det bilong ol long lusim kalabus?

• Olsem wanem yumi ken helpim ol brata long ol narapela hap bilong graun em ol i stap kalabus long wanem ol i holimpas bilip bilong ol?

• Olsem wanem yumi ken mekim wok long pasin bilong yumi long i stap fri long mekim wok bilong Jehova?

• Husat i as bilong olgeta kot keis em yumi winim?