Kirap long 2018, Wastaua bilong pablik na Kirap! i stori long wanpela samting tasol. Ol magasin i hap bilong Ol Tul Bilong Skulim Man. So yumi mas yusim ol magasin long autim tok. Taim yumi laik go raun o go long stua o maket samting, yumi ken kisim tu ol magasin i go wantaim yumi. Yumi no save yusim ol magasin long stadi wantaim ol man, tasol ol magasin inap helpim man long kisim save long God.

Taim yu toktok wantaim wanpela, soim wanpela skripsa long em na stori long wanpela tok i stap long Wastaua o Kirap! we em bai amamas long harim. Olsem, sapos em i gat famili o em i karim wanpela hevi, yu ken tok olsem: “Mi ritim wanpela gutpela stori long dispela samting. Em orait mi soim yu?” Sapos yu lukim olsem em i gat laik long save moa, yu ken givim em magasin o salim long em long rot bilong Intenet. Tru yumi no laik tilim tasol ol magasin, tasol ol magasin inap helpim yumi long painim ol man em ol i redi long bihainim tok ol i lainim.—Ap 13:48.