Olsem wanem? Krismas bilong yu namel long 23 na 65 na yu stap long fultaim sevis? Yu no gat sik, na yu inap mekim wok long hap we i sot long ol pablisa? Sapos bekim bilong yu em yes, yu bin tingting long insait long Skul Bilong Ol Kingdom Evanselis? Stat long taim dispela skul i kirap na i kam, planti tausen marit, ol singel brata, na ol singel sista i bin insait long dispela skul. Tasol i gat bikpela nid long planti singel brata i mas insait long dispela skul. Yu ken beten askim Jehova long kirapim laik bilong yu long amamasim em na long bihainim pasin bilong Pikinini bilong em. (Sg 40:8; Mt 20:28; Hi 10:7) Orait skelim ol rot yu ken bihainim bilong daunim aua bilong yu long wok mani o lusim sampela samting bilong yu yet na bai yu ken insait long dispela skul.

Ol bratasista i bin insait long dispela skul i bin mekim wanem ol wok? Ol i bin salim sampela bilong ol i go long hap we ol man i mekim ol narapela tokples o ol i insait long wok bilong autim tok long ol pablik ples long ol bikpela siti. Ol arapela i mekim wok olsem helpim bilong ol wasman sekit, o mekim wok olsem misineri, o wasman sekit. Taim yu wok long tingim tingim ol wok bilong Jehova em yu laik mekim, yu ken tingim tok bilong profet Aisaia em i tok: “Mi stap! Salim mi!”—Ai 6:8.

LUKIM VIDIO OL MISINERI—OL WOKMAN I BUNGIM OL KAIKAI, NA BIHAIN BEKIM OL DISPELA ASKIM:

• Olsem wanem ol i save makim ol misineri?

• Ol misineri i mekim wanem ol gutpela wok?

• Wanem sampela gutpela samting i kamap long wok bilong ol misineri?