3:1-5

Bilong wanem Jisas i bel hevi long pasin em ol lida bilong lotu Juda i mekim? Long wanem, ol i putim ol liklik liklik lo bilong bihainim long de Sabat, na dispela i givim hevi long ol man. Olsem, i tambu long kilim laus long de Sabat. Ol inap oraitim sikman sapos em i laik i dai. Dispela i makim olsem ol i no ken helpim man i brukim bun o wanpela hap join bilong bun i lus long de Sabat. Em i klia tru olsem ol lida bilong lotu i no tingim dispela man em han bilong em i nogut.