Long Aisaia sapta 65, God i tok promis olsem lain Israel bai go bek long as ples bilong ol. Taim Jehova i mekim dispela tok, i olsem truim bilong en i kamap pinis

65:17

Nupela skai em wanem samting?

• Em nupela gavman we bai kamapim stretpela pasin long graun

• Dispela gavman i kirap long 1914 taim Krais i kamap King long Kingdom Bilong God

Nupela graun em wanem samting?

• Wanpela lain manmeri bilong olgeta kantri, tokples, na skin kala husat i amamas long stap aninit long wok king bilong nupela gavman long heven

Olsem wanem yumi no inap tingim moa ol samting i bin kamap bipo?

• Olgeta samting i save givim hevi long yumi—long skin, tingting, na bel—bai pinis olgeta

• Ol manmeri i stap gut long God bai i gat gutpela sindaun tru, na ol bai amamas long tingim ol gutpela samting i save painim ol long olgeta wan wan de