RISEN: Sapos “tingting bilong man i olsem wanpela hul wara i daun moa,” orait ol askim i olsem baket bilong pulim ol dispela tingting i kam antap. (Sd 20:5) Ol askim i kirapim man long kamapim tingting bilong em. Sapos yu makim gut askim na yu givim long man, dispela inap helpim yu long save long tingting bilong em. Jisas i bin mekim gutpela wok long ol askim. Olsem wanem yumi inap bihainim pasin bilong em?

ROT BILONG MEKIM:

• Mekim askim bilong painimaut tingting bilong man. Jisas i kamapim sampela askim bilong painimaut tingting tru bilong ol disaipel. (Mt 16:13-16; be 238 par. 3-5) Yu inap givim wanem kain ol askim?

• Mekim askim bilong stiaim tingting. Jisas i laik stretim tingting bilong Pita, olsem na em i mekim ol askim na kamapim ol bekim bilong stiaim Pita long kisim stretpela tingting. (Mt 17:24-26) Yu inap mekim wanem kain ol askim bilong helpim man long kisim stretpela tingting?

• Tok amamas long man i putim yau. Taim saveman bilong lo “i mekim smatpela bekim,” Jisas i tok amamas long em. (Mk 12:34) Olsem wanem yu inap tok amamas long man i bekim askim yu kamapim?

LUKIM NAMBA 1 HAP BILONG VIDIO MEKIM WOK EM JISAS I MEKIM —SKULIM OL NARAPELA, NA BEKIM OL DISPELA ASKIM:

• Pablisa i gat stretpela save, tasol wanem ol samting i soim olsem em i no bihainim gutpela rot bilong skulim man?

• Bilong wanem yumi mas mekim sampela samting moa na i no stori tasol long ol tok?

LUKIM NAMBA 2 HAP BILONG VIDIO, NA BEKIM OL DISPELA ASKIM:

• Olsem wanem brata i mekim gutpela wok long ol askim?

• Em i soim wanem ol gutpela eksampel yumi ken bihainim long wok tisa bilong em?