Jisas i yusim ol tok piksa bilong skulim yumi olsem, yumi no ken mekim wanpela samting bilong pundaunim yumi yet na ol narapela.

18:6, 7

• Taim man i “pundaunim” ol narapela, dispela i makim olsem em i mekim samting we i kirapim narapela long bihainim pasin i no stret, o em i mekim sin

• Sapos man i pundaunim ol narapela, mobeta ol i pasim bikpela ston long nek bilong em na tromoi em i go insait long solwara

18:8, 9

• Jisas i tokim ol disaipel olsem ol i mas rausim samting we i pundaunim ol, maski em samting i gutpela tumas, kain olsem han o ai bilong ol

• I gutpela long rausim dispela samting bambai yumi inap i go insait long Kingdom Bilong God, na i no gutpela long larim i stap yet na yumi go long Gehena, olsem God i bagarapim na pinisim yumi

Wanem samting long laip bilong mi inap pundaunim mi? Mi inap mekim wanem bambai mi no ken pundaunim mi yet na ol narapela?