Jisas i yusim tok piksa bilong ol wit na ol gras nogut bilong helpim ol disaipel long save long olsem wanem na wanem taim em bai kisim ol Kristen namel long ol lain man, em ol Kristen God i anointim, na em bai mekim olsem kirap long 33 C.E.

13:24

‘Man i planim ol gutpela sid long gaden’

• Man bilong planim sid: Jisas Krais

• Planim gutpela sid: God i anointim ol disaipel bilong Jisas long rot bilong holi spirit

• Gaden: Ol lain manmeri

13:25

“Taim ol man i slip i stap, birua bilong dispela man i kam na planim ol gras nogut”

• Birua: Devil

• Ol man i slip: Ol aposel i dai

13:30

“Larim tupela i gro wantaim inap long taim bilong bungim kaikai”

• Wit: Ol Kristen em God i anointim

• Gras nogut: Ol giaman Kristen

“Bungim ol gras nogut pastaim, . . .  na bihain bungim ol wit”

• Ol wokboi/ol man bilong bungim wit na gras nogut: Ol ensel

• Bungim ol gras nogut: Rausim ol giaman Kristen namel long ol Kristen em God i anointim

• Putim ol wit long bakstua: Ol Kristen em God i anointim i kam insait long kongrigesen

Taim ol wokboi i stat long bungim kaikai, olsem wanem ol Kristen tru i narapela kain long ol giaman Kristen?

Stretpela save bilong dispela tok piksa i helpim mi olsem wanem?