Long Bikpela Tok Long Maunten, Jisas i tok: “Lusim pasin bilong tingting planti long laip bilong yupela.” (Mt 6:25) Yumi gat sin na yumi stap long graun bilong Satan, olsem na sampela taim yumi save tingting planti. Tasol Jisas i laik skulim ol disaipel bilong em long no ken tingting planti tumas. (Sg 13:2) Bilong wanem? Ol wari bilong wan wan de inap pulim taim bilong yumi, na dispela inap pasim yumi long painim Kingdom pastaim. (Mt 6:33) Ol narapela tok bilong Jisas bai helpim yumi long lusim pasin bilong tingting planti long ol liklik samting.

• Mt 6:26—Yumi inap kisim wanem skul taim yumi skelim pasin bilong ol pisin? (w16.07 9-10 par. 11-13)

• Mt 6:27—Bilong wanem pasin bilong wari na tingting planti inap pinisim taim na strong bilong yumi? (w05 11/1 22 par. 5)

• Mt 6:28-30—Yumi kisim wanem skul long ol lili i save kamap long bus? (w16.07 10-11 par. 15-16)

• Mt 6:31, 32—Olsem wanem ol Kristen i narapela kain long ol manmeri bilong ol arapela lain? (w16.07 11 par. 17)

Mi no laik tingting planti long