Matyu sapta 8 na 9 i stori long Jisas i raun long Galili na autim tok. Taim Jisas i oraitim ol manmeri, em i soim klia strong bilong em, tasol bikpela samting moa em i soim pasin laikim na pasin sori long ol narapela.

1. Jisas i oraitim wanpela lepraman.—Mt 8:1-3

2. Jisas i oraitim wokboi bilong wanpela ofisa bilong ami. —Mt 8:5-13

   Em i oraitim tambu mama bilong Pita.—Mt 8:14, 15

   Em i rausim spirit nogut long ol man na oraitim olgeta man i stap nogut.—Mt 8:16, 17

3. Jisas i rausim ol spirit nogut na salim ol i go insait long lain pik.—Mt 8:28-32

4. Jisas i oraitim wanpela paralais man.—Mt 9:1-8

   Em i oraitim wanpela meri husat i tatsim klos bilong em, na em i kirapim bek pikinini meri bilong Jairus. —Mt 9:18-26

   Em i oraitim ol aipas na ol mauspas.—Mt 9:27-34

5. Jisas i raun long ol bikpela taun na liklik taun na oraitim olgeta kain sik.—Mt 9:35, 36

Olsem wanem mi inap kamapim pasin laikim na pasin sori long ol lain i stap klostu long mi?