Sapos yu wanpela yangpela pablisa o wanpela Baibel sumatin, yu putim mak long kisim baptais? Bilong wanem yu mas kisim baptais? Taim yu dediket na kisim baptais, em kirap bilong pasin pren bilong yu wantaim Jehova. (Sg 91:1) Dispela tu inap opim rot bilong God i ken kisim bek yu. (1Pi 3:21) Olsem wanem yu inap winim ol dispela mak?

Yu yet i mas skelim na save olsem ol tok yu lainim em ol tok i tru bilong Baibel. Sapos yu gat sampela askim, yu yet i mas mekim wok painimaut bilong kisim bekim bilong ol dispela askim. (Ro 12:2) Luksave long ol senis yu mas mekim. Na tingim olsem as na yu mekim ol senis em long wanem yu laik amamasim Jehova. (Pr 27:11; Ef 4:23, 24) Oltaim beten long em i helpim yu. Yu ken bilip tru olsem Jehova bai strongim na helpim yu long rot bilong holi spirit bilong em. (1Pi 5:10, 11) Hatwok bilong yu i no inap lus nating. Pasin bilong lotuim Jehova em nambawan gutpela rot bilong bihainim!—Sg 16:11.

LUKIM VIDIO OL SAMTING YU MAS MEKIM BILONG KISIM BAPTAIS, NA BIHAIN BEKIM OL DISPELA ASKIM:

• Sampela i gat wanem ol hatwok em ol i mas winim na bai ol inap kisim baptais?

• Olsem wanem yu inap kisim bilip we inap helpim yu long dediket long Jehova?

• Wanem samting i kirapim sampela long putim ol mak ol i laik winim bilong kisim baptais?

• Ol lain i wokim disisen long lotuim Jehova, ol i kisim wanem ol blesing?

• Pasin bilong dediket na kisim baptais i makim wanem samting?