9:62

Bilong wokim ol liklik baret na ol i no krungut, man bilong brukim graun i no ken larim ol samting i stap baksait i pulim tingting bilong em. Olsem tasol, Kristen i no ken larim ol samting bilong graun em i lusim pinis long pulim tingting bilong em.—Fl 3:13.

Taim yumi bungim ol hevi, em isi long tingim gutpela sindaun bilong yumi long bipo, ating paslain long yumi kam insait long tok i tru. Taim yumi mekim olsem, yumi inap ting yumi stap amamas tru na ol hevi i no bikpela tumas long bipo. Em pasin lain Israel i bin mekim bihain long ol i lusim Isip. (Nam 11:5, 6) Sapos yumi holim dispela kain tingting, yumi inap bihainim gen laip bilong yumi long pastaim. I gutpela long tingim tingim ol blesing yumi kisim long nau na putim tingting i go long ol amamas yumi bai kisim aninit long Kingdom!—2Ko 4:16-18.