BIHAINIM PASIN KRISTEN
“Strongim Sait Bilong Gutnius Long Rot Bilong Kot”
Taim ol birua i laik pasim ol Israel long wokim gen tempel, ol man bilong wokim haus i mekim ol samting ol i gat wok long mekim na bai i stret wantaim lo na ol i ken go het long wokim tempel. (Esr 5:11-16) Long wankain pasin ol Kristen long nau i mekim samting na bai ol i strongim sait bilong gutnius long rot bilong kot. (Fl 1:7) Bilong mekim olsem, long 1936 ol brata i kamapim Ligol Dipatmen long wol hetkota. Long nau, Wol Hetkota Ligol Dipatmen i sambai long wok bilong Kingdom long olgeta hap bilong graun. Hau na dispela dipatmen i sapotim wok bilong Kingdom na i helpim lain bilong God?
WATSIM VIDIO TUA BILONG LIGOL DIPATMEN LONG WOL HETKOTA, NA BIHAIN BEKIM OL DISPELA ASKIM:
-
Ol Witnes Bilong Jehova i bungim wanem ol hevi bilong lo?
-
Wanem ol hevi bilong lo em yumi bin winim? Stori long wanpela eksampel
-
Yumi wan wan i ken mekim wanem bilong “strongim sait bilong gutnius long rot bilong kot”?
-
Long wanem hap bilong websait bai yumi ken painim ol samting long sait bilong lo we i mekim sampela samting long lain bilong God na lukim lista bilong nem bilong ol Witnes Bilong Jehova husat i bin go kalabus bikos long bilip bilong ol?
