Jehova i laik bai ol famili i stap amamas. (Sg 127:3-5; Ekl 9:9; 11:9) Tasol ol hevi i wok long kamap na ol popaia bilong ol wanfamili inap bagarapim amamas bilong yumi. Wan wan insait long famili i ken mekim wanem na bai famili i stap amamas?

Man marit i mas onarim meri bilong em. (1Pi 3:7) Em i mas lusim haptaim long stap wantaim em. Em i mas holim stretpela tingting long samting meri i inap mekim na soim tenkyu long wok em meri i mekim bilong helpim em na famili bilong ol. (Kl 3:15) Em i mas soim olsem em i laikim meri bilong em na givim biknem long em.​—Pr 31:28, 31.

Meri marit i mas mekim ol samting bilong sapotim man bilong em. (Pr 31:12) Em i daun long man bilong em na wok gut wantaim em. (Kl 3:18) Em i save toktok gut wantaim man bilong em na mekim gutpela tok long man bilong em taim em i stori wantaim ol narapela.​—Pr 31:26.

Papamama i mas lusim haptaim wantaim ol pikinini. (Lo 6:6, 7) Ol i tokim ol pikinini olsem ol i laikim ol. (Mt 3:17) Taim ol i stretim ol pikinini, ol i mekim long pasin laikim na ol i kliagut long tingting bilong ol pikinini.​—Ef 6:4.

Ol pikinini i mas onarim na rispektim ol papamama. (Pr 23:22) Ol i save tokim papamama long tingting na filings bilong ol. Ol i save amamas long papamama i stretim ol na soim rispek long ol.​—Pr 19:20.

WATSIM VIDIO KAMAPIM AMAMAS INSAIT LONG FAMILI, NA BIHAIN BEKIM DISPELA ASKIM:

Wan wan long famili i mekim wanem bilong famili i ken stap amamas?