Long mun Septemba, yumi bai mekim spesel wok long tokim ol man long Kingdom Bilong God olsem em wanpela rot tasol bilong pinisim olgeta hevi bilong ol man. (Mt 24:14) Hau bai yu insait long dispela wok? Soim wanpela skripsa i stori long Kingdom Bilong God long planti manmeri yu bungim long dispela mun. Sapos wanpela i gat laik long harim tok, givim em pablik edisen bilong Wastaua No. 2, 2020. Bihain mekim gobek kwiktaim na kirapim Baibel stadi long buklet Stap Amamas Oltaim! Ol bratasista i mekim wok painia haptaim long mun Septemba i ken makim 15 o 30 aua long kisim long dispela mun.

Klostu nau Kingdom Bilong God bai bagarapim olgeta gavman i birua long en. (Da 2:44; 1Ko 15:24, 25) Olsem na i gutpela yumi insait long dispela wok bilong soim olsem yumi sapotim Jehova na Kingdom bilong em!