BIHAINIM PASIN KRISTEN
Ol i Wok Strong Long Helpim Yumi
Ol wasman sekit na meri bilong ol i soim olsem ol i laikim ol bratasista taim ol i daunim laik bilong ol yet na mekim wok bilong helpim ol. Olsem yumi, ol tu i gat ol samting ol i nidim na sampela taim ol i pilim taiet, bel hevi, na wari na tingting planti. (Jem 5:17) Maski i olsem, olgeta wik ol i tingting long strongim ol bratasista long ol kongrigesen ol i visitim. Tru tumas, i stret long yumi “givim bikpela rispek” long ol wasman sekit.—1Ti 5:17.
Taim aposel Pol i wokim plen long go long Rom bilong ‘givim presen i kam long God’ long kongrigesen long Rom, em i amamas olsem ‘ol i strongim em na em i strongim ol.’ (Ro 1:11, 12) Yu tingting pinis long hau yu bai strongim wasman sekit na meri bilong em, sapos em i marit?
WATSIM VIDIO RAUN BILONG WANPELA WASMAN SEKIT LONG TERITORI I STAP LONGWE, NA BIHAIN BEKIM OL DISPELA ASKIM:
-
Long wanem ol rot ol wasman sekit na meri bilong ol i soim olsem ol i laikim ol bratasista na daunim laik bilong ol yet?
-
Olsem wanem wok bilong ol wasman sekit i bin helpim yu?
-
Hau bai yumi inap strongim ol?
