MEKIM WOK AUTIM TOK | MEKIM AMAMAS BILONG YU LONG WOK AUTIM TOK I GO BIKPELA MOA
Putim Tok i Go Daun Long Bel
Pasin bilong bihainim tok bilong God i mas kirap long bel. (Pr 3:1) Olsem na taim yumi skulim man, yumi mas wok strong long putim tok i go daun long bel bilong em. Bai yumi mekim olsem wanem?
Skulim sumatin bilong yu long tok i tru bilong Baibel, na helpim em long luksave long hau em inap bihainim ol dispela tok long laip bilong em na pasin pren bilong em wantaim Jehova. Na tu, helpim em long kliagut long hau ol lo bilong Baibel i kamapim pasin laikim, gutpela pasin, na stretpela pasin bilong God. Long gutpela pasin, givim ol askim we inap helpim em long kamapim tingting bilong em long ol samting em i kisim save long en. Helpim em long luksave long risen na em i mas stretim wanpela tingting o pasin kranki bilong em. Taim yu lukim sumatin bilong yu i laikim tru Jehova long bel, dispela bai mekim amamas bilong yu i go bikpela moa.
PILAIM VIDIO KISIM AMAMAS LONG WOK BILONG KAMAPIM DISAIPEL—MEKIM I KAMAP GUTPELA MOA—PUTIM TOK I GO DAUN LONG BEL, NA BIHAIN BEKIM OL DISPELA ASKIM:
-
Wai na Neeta i askim Jade: “Yu gat sampela tingting long samting yumi stori long Mande?”
-
Olsem wanem Neeta i helpim Jade long luksave long hau ol lo bilong Baibel i kamapim olsem Jehova i laikim em?
-
Sapos yumi putim tok i go daun long bel bilong sumatin, dispela bai kirapim em long mekim ol samting bilong soim olsem em i laikim God
Olsem wanem Neeta i helpim Jade long luksave long samting em i ken mekim bilong kamapim pasin bilong em long laikim God?
