Ol manmeri i laik i stap sitisen long Kingdom Bilong God, ol i mas kisim save long olgeta samting bilong Kingdom na ol wok dispela Kingdom i bin mekim. Bilong wanem? Dispela save bai strongim bilip bilong ol olsem Kingdom Bilong God i mekim wok, na tu,dispela save bai kirapim ol long “toksave long ol lain i kamap bihain.” (Sg 45:1; 49:3) Taim yu watsim vidio The Kingdom—100 Years and Counting, yu ken painim bekim bilong ol dispela askim:

1. Olsem wanem “Photo-Drama of Creation” i helpim tru ol manmeri husat i lukim dispela piksa?

2. Olsem wanem ol i yusim redio long autim gutnius long ol manmeri?

3. Ol i yusim wanem ol narapela rot long autim gutnius? Wanem gutpela samting i kamap?

4. Wanem ol senis i kamap na i helpim skul bilong wok autim tok long kamap gutpela moa?

5. Ol sumatin bilong Skul Gileat i kisim wanem kain trening?

6. Olsem wanem lain bilong Jehova i save kisim skul long rot bilong ol kibung?

7. Wanem samting i mekim na yu bilip olsem Kingdom Bilong God i kirap pinis long mekim wok?

8. Olsem wanem yumi soim olsem yumi sapotim Kingdom Bilong God?