Man inap pilim tru ol samting i kamap long vidio bikos em inap lukim ol samting long ai na harim stret ol tok i kamap. Em i no inap lusim tingting long ol samting em i lukim long vidio. Jehova yet i stap gutpela eksampel long yusim ol piksa long skulim man.—Ap 10:9-16; Re 1:1.

Ol vidio, Does God Have a Name?, Who Is the Author of the Bible?, na How Can We Be Sure the Bible Is True? bai strongim lesen 2 na lesen 3 bilong buklet Gutpela Nius. Ol vidio, Wai na i Gutpela Long Stadi Long Baibel?, na Mipela i Save Mekim Wanem Long Taim Bilong Baibel Stadi?, na Wanem Samting i Save Kamap Long Haus Kingdom? bai kirapim ol man long stadi long Baibel wantaim yumi na kam long ol miting. Yusim sampela vidio bilong yumi long skulim man taim yumi mekim Baibel stadi.—km 5/13 3.

• Daunlodim ol vidio yu laik soim long man

• Redim 1-pela o 2-pela askim em bekim bilong ol i stap long vidio

• Watsim vidio wantaim man bilong haus

• Stori wantaim man long ol bikpela poin i stap long vidio

• Yusim liklik nius bilong yumi na soim man long laspela pes bilong nius. Toksave long man long kod bilong konektim fon o teblet i go long vidio Wai na i Gutpela Long Stadi Long Baibel?

• Soim vidio How Can We Be Sure the Bible Is True? na tilim buklet Gutpela Nius, na stori long lesen 3