BIHAINIM PASIN KRISTEN
Kisim Helpim Long Stadi Bilong Yu Yet
BILONG WANEM EM I BIKPELA SAMTING: Pasin bilong stadi long Baibel bai helpim yumi long “save gut tru long ol samting bilong God. Olsem bikpela na longpela bilong en, na antap na daunbilo” bilong tok i tru. (Ef 3:18) Pasin bilong stadi i helpim yumi tu na bai yumi no gat asua na i no gat rong namel long ol manmeri bilong dispela graun na bai yumi inap long “holim strong tok bilong laip.” (Fl 2:15, 16) Pasin bilong stadi long Baibel i opim rot long yumi ken makim wanem ol samting inap helpim yumi wan wan. Yumi ken mekim wanem na bai pasin bilong ritim na stadi long Baibel i helpim gut yumi?
ROT BILONG MEKIM:
-
Yu ken makim ol ves na raitim sampela tok long Baibel bilong yu yet long stadi o long Baibel bilong yu long teblet samting
-
Taim yu ritim Baibel givim ol dispela askim long yu yet olsem: ‘Husat? Wanem? Wanem taim? Wanem hap? Bilong wanem? Olsem wanem?’
-
Kisim ol tok i stret na tru. Mekim wok long ol pablikesen na mekim wok painimaut long ol tok o ol ves bilong Baibel
-
Tingim tingim long bel samting yu ritim na skelim olsem wanem dispela tok i stret long yu
-
Bihainim ol samting yu lainim long i stap bilong yu.—Lu 6:47, 48
LUKIM VIDIO “YUPELA I MAS HOLIM STRONG”—PASIN BILONG MEKIM PESENEL STADI, NA BIHAIN BEKIM OL DISPELA ASKIM:
-
Sampela i stori olsem wanem long pasin bilong mekim stadi bilong ol yet?
-
Bilong wanem yumi mas beten paslain long yumi mekim stadi bilong yumi yet?
-
Wanem samting inap helpim yumi long kliagut long wanpela ves bilong Baibel?
-
Yumi ken raitim wanem ol tok insait long Baibel bilong yumi yet long stadi?
-
Bilong wanem pasin bilong tingim tingim long bel ol tok bilong Baibel yumi stadi long en i bikpela samting?
-
Yumi mas mekim wanem long ol samting yumi kisim save long en?