Sampela Rot Bilong Autim Tok
WASTAUA
Askim: Yu save long ol dispela tok?
Skripsa: Jon 3:16
Toktok: Dispela Wastaua i stori long olsem wanem pen na hevi Jisas i karim, na dai bilong em inap helpim yu.
WASTAUA (baksait pes)
Askim: Skelim dispela askim na sampela bekim bilong en. [Ritim fes askim wantaim ol bekim bilong en.] Bai yu bekim olsem wanem?
Skripsa: Mt 4:1-4
Toktok: Satan i toktok wantaim Jisas na traim em, olsem na yumi save olsem Satan em wanpela ensel nogut i stap tru. Baibel i mekim wanem tok moa long Satan? Dispela atikol i stori moa long dispela samting.
INVATESEN BILONG MEMORIAL
Toktok: Mipela i tilim dispela invatesen bilong wanpela bikpela bung bai kamap. [Givim invatesen pepa long man.] Long Mas 23, planti milion manmeri long olgeta hap bai bung long tingim dai bilong Jisas Krais na harim wanpela tok bilong Baibel long olsem wanem dai bilong em i helpim yumi. Dispela invatesen pepa i kolim taim na ples we dispela bung bai kamap long en. Plis kam sapos yu inap.
RAITIM OL TOK YU BAI YUSIM LONG AUTIM TOK
Yusim ol eksampel i stap antap na raitim ol tok yu bai yusim long autim tok.
