GUTPELA SAVE I KAM LONG BAIBEL | JOP 6-10
Bilipman Jop i Autim Bel Hevi Bilong Em
Jop i kamap rabisman, na em i bel hevi tru, na bikpela sik i painim em, tasol em i no lusim bilip. Satan i laik mekim Jop i bel hevi bambai em i lusim bilip. Ol 3-pela “pren” bilong Jop i go lukim em. Pastaim, ol i soim olsem ol i sori long em. Ol i sindaun wantaim Jop inap 7-pela de na ol i no mekim wanpela tok bilong mekim isi bel bilong em. Bihain, ol i sutim tok long em na mekim ol tok bilong bagarapim bel bilong em.
Jop i stap gut yet long Jehova maski ol narapela i putim bikpela presa long em
-
Bel hevi i mekim na Jop i kisim tingting kranki. Em i ting God i no tingim em maski em i holimpas bilip
-
Bel hevi i mekim na Jop i no tingim ol narapela samting we i mekim na em i karim bikpela pen na hevi
-
Maski Jop i bel hevi tru, em i tokim ol man i sutim tok long em olsem em i laikim tru Jehova
