MEKIM WOK AUTIM TOK
Mekim Wok Autim Tok i Kamap Gutpela Moa —Redim Ol Tok Yu Bai Yusim Long Tilim Nius
BILONG WANEM? Miting Wok Buk i kolim sampela tok yumi inap yusim long mekim wok autim tok, tasol ol dispela tok i stap olsem autlain. Yu mas yusim toktok bilong yu yet. Yu ken mekim ol narapela tok, o yu ken toktok long narapela samting we ol manmeri long teritori bilong yu i gat laik long save long en. Pastaim, yu mas ritim magasin, na skelim ol tok yu inap yusim long autim tok, na lukim ol vidio i soim sampela rot bilong autim tok. Bihain, yu ken bihainim ol tok i stap daunbilo na raitim ol tok yu bai yusim long autim tok.
ROT BILONG MEKIM:
Askim yu yet, ‘Mi laik yusim wanpela bilong ol dispela eksampel?’
YES
-
Redim ol tok bilong kirapim toktok. Bihain long yu gritim man, tokim em long risen bilong yu long visitim em. (Eksampel: “Mi kam visitim yu bikos . . . ”)
-
Tingim olsem wanem yu inap senisim tok bihain long yu givim askim na yu laik ritim skripsa na tilim nius long man. (Eksampel: Taim yu laik ritim wanpela skripsa,yu ken tok: “Yu inap painim bekim stret bilong dispela askim long hia.”)
NOGAT
-
Makim wanpela atikol long magasin we yu yet i laikim na ol manmeri long teritori bai laikim
-
Tingim wanpela askim we bai kirapim tingting bilong man na yu inap stori gut wantaim em, na no ken mekim askim i semim man. (Eksampel: Mekim ol askim i stap long pes 2 bilong magasin.)
-
Makim wanpela skripsa bilong ritim. (Taim yu laik tilim nius Kirap!, orait sapos inap, yu ken ritim wanpela skripsa bikos dispela magasin i bilong helpim ol man i no gat bikpela save long Baibel na ol i no trastim lotu.)
-
Redim 1-pela o 2-pela sentens bilong stori long man long olsem wanem dispela atikol bai helpim em
MASKI YU YUSIM WANEM EKSAMPEL
-
Redim wanpela askim bilong mekim gobek long man
-
Raitim ol not bambai yu inap tingim samting yu laik stori long en long narapela taim