Ol i wokim dispela buklet, Harim Tok Bilong God bilong skulim ol man long ol tok i tru bilong Baibel long rot bilong ol piksa. Dispela buklet em bilong ol lain i no save gut long rit. Long olgeta 2-pela 2-pela pes, i gat ol naispela piksa tru we i gat erou bilong stiaim stori long wanpela piksa i go long narapela piksa.

Buklet Harim Tok Bilong God na Stap Oltaim i gat ol wankain piksa olsem buklet Harim Tok Bilong God, na i gat planti tok long en na sumatin husat i save gut long rit i ken yusim. Planti pablisa i save yusim dispela buklet olsem kopi bilong ol na sumatin i save yusim buklet Harim Tok Bilong God. Planti pes i gat blok we i gat sampela tok moa em pablisa na sumatin inap stori long en, na pablisa i ken mekim wok long en inap long skel bilong sumatin.

Yu inap tilim wanpela bilong ol dispela buklet maski em i no mun bilong tilim ol dispela buklet. Taim yu mekim Baibel stadi wantaim sumatin, yusim ol piksa long stori gut long ol tok bilong Baibel. Mekim ol askim bambai sumatin inap kamapim tingting bilong em, long dispela rot yu inap save sapos sumatin i kliagut long samting yupela i stadi long en. Ritim na stori long ol skripsa i stap aninit long wan wan pes. Bihain long yupela i pinisim buklet, yupela i ken stadi long buk Tru Tru Baibel i Tok Wanem? o What Can the Bible Teach Us? bilong helpim sumatin long winim mak bilong kisim baptais.