Jeremaia i kisim wok bilong givim tok lukaut long lain Juda long bagarap bai painim ol bikos ol i lusim tingting long God bilong ol, em Jehova. (Jer 13:25) Wanem samting i mekim na lain Juda i stap nogut tru long sait bilong bilip? Ol famili long Juda i no stap gut long sait bilong bilip. Dispela i soim klia olsem ol het bilong famili i no bihainim tok bilong Jehova long Lo 6:5-7.

Ol famili i stap gut long sait bilong bilip long nau i helpim kongrigesen long i stap strong. Ol het bilong famili i ken helpim famili bilong ol long tingim Jehova long rot bilong Famili Lotu taim ol i stadi gut long Baibel long olgeta taim. (Sg 22:27) Bihain long yupela i lukim vidio “These Words . . . Must Be on Your Heart”—Family Interviews, bekim ol dispela askim:

• Olsem wanem sampela famili i bin winim ol hevi long sait bilong famili lotu?

• Yumi inap kisim wanem ol blesing taim yumi bihainim gutpela program bilong Famili Lotu long olgeta taim?

• Long taim bilong famili lotu, mi save bungim wanem ol hevi? Mi save mekim wanem taim ol dispela hevi i kamap?