“Was i Stap”
Tok piksa bilong Jisas long 10-pela yangpela meri i go long ol Kristen God i anointim, tasol dispela tok piksa i stret tu long olgeta Kristen. (w15 3/15 12-16) “Yupela i mas was i stap, long wanem, yupela i no save long dispela de o dispela aua.” (Mt 25:13) Yu kliagut long mining bilong tok piksa bilong Jisas?
-
Man i Laik Marit (ves 1)—Jisas
-
Ol savemeri (ves 2)—Ol Kristen God i anointim husat i stap gut long God na i redi long mekim wok, na ol bai stap olsem lait i go inap long pinis (Fl 2:15)
-
Singaut i kamap: “Man i laik marit em i kam!” (ves 6)—Ol samting i soim olsem Jisas i kam i stap
-
Ol krankimeri (ves 8)—Ol Kristen God i anointim husat i go bungim Man i laik marit tasol ol i no was i stap na ol i no stap gut long God
-
Ol savemeri i no laik serim oil bilong ol (ves 9)—Bihain long ol Kristen God i anointim i kisim laspela mak, bai i no gat rot moa long helpim wanpela husat i no stap gut moa long bilip
-
“Man i laik marit i kam kamap” (ves 10)—Jisas i kam bilong mekim kot klostu long pinis bilong traipela hevi tru
-
Ol savemeri i go long marit kaikai wantaim man i laik marit na ol i pasim dua (ves 10)—Jisas bai kisim ol Kristen God i anointim i go long heven, tasol ol Kristen husat i no stap gut long God, ol bai lus long kisim blesing bilong i go long heven