BILONG WANEM EM I BIKPELA SAMTING: Planti bilong ol aipas i save pret long toktok wantaim ol man em ol i no save long ol. Olsem na bilong autim tok long kain lain, yumi mas save gut hau long mekim olsem. Jehova i save tingim tru ol aipas. (Wk 19:14) Yumi ken bihainim pasin bilong Jehova na helpim ol aipas long kisim save long em.

ROT BILONG MEKIM:

• ‘Painim’ ol aipas. (Mt 10:11) Yu save long wanpela em famili bilong em i gat aipas? Long teritori we yupela i save autim tok, i gat ol skul o ol narapela hap we ol bai laikim ol buk na nius bilong ol aipas?

• Soim olsem yu tingim ol. Taim yu mekim gutpela pasin pren long aipas na soim olsem yu tingim em tru, dispela bai mekim na em i no tingting planti. Bilong kirapim tok stori long wanpela samting i kamap long hap bilong yupela.

• Helpim ol long kisim ol buk na nius we bai helpim ol long save long Jehova. Bilong helpim ol lain i aipas o ai bilong ol i nogut, oganaisesen bilong yumi i redim ol buk na nius i stap long rait brel na odio ol i rekodim. Askim man i aipas long em i laik kisim save long wanem rot. Wasman autim tok i mas sekim sapos brata i lukautim litresa i putim oda i stret long wanem samting em aipas man i laikim.