Jehova, em “God bilong amamas,” olsem na em i laik bai yumi amamas long mekim wok autim tok. (1Ti 1:11) Amamas bilong yumi bai go bikpela taim yumi mekim pasin bilong yumi long autim tok i kamap gutpela moa. Pasin bilong givim ol askim em inap kirapim man long harim tok na em gutpela rot bilong kirapim tok. Ol askim i save kirapim ol man long wokim tingting na skelim ol samting. (Mt 22:41-45) Taim yumi givim ol askim na putim yau taim man i bekim tok, i olsem yumi tok, ‘Mi tingim tru yu.’ (Jem 1:19) Bekim bilong man bai helpim yumi long save long wanem samting yumi inap stori wantaim em.

LUKIM VIDIO KISIM AMAMAS LONG WOK BILONG KAMAPIM DISAIPEL—MEKIM I KAMAP GUTPELA MOA—GIVIM OL ASKIM, NA BIHAIN GIVIM OL DISPELA ASKIM:

• Jade i kamapim wanem ol gutpela pasin?

• Olsem wanem Neeta i mekim wok long ol askim bilong soim olsem em i tingim Jade?

• Olsem wanem Neeta i mekim wok long ol askim bilong kirapim laik bilong Jade long harim tok?

• Olsem wanem Neeta i mekim wok long ol askim bilong helpim Jade long wokim tingting na skelim ol samting?