Ol manmeri i bihainim ol klinpela pasin, ol tasol inap pas gut moa wantaim Jehova. (1Pi 1:14-16) Taim ol Baibel sumatin i lusim ol pasin doti, dispela bai helpim famili na helt bilong ol, na ol inap yusim gut mani.

Kamapim klia ol lo bilong Jehova long ol Baibel sumatin, as na ol i mas bihainim, na wanem gutpela samting bai kamap taim ol i mekim olsem. Wok strong long helpim ol sumatin long senisim tingting bilong ol na bai ol inap mekim ol pasin em Jehova i laikim. (Ef 4:22-24) Tokim ol olsem Jehova bai helpim ol long lusim ol pasin doti. (Fl 4:13) Skulim ol long beten askim Jehova long helpim ol taim laik bilong mekim sin i kamap strong. Helpim ol long luksave long ol samting we inap traim ol na samting ol i mas mekim bilong abrusim. Kirapim ol long mekim ol samting we bai helpim ol na bai ol i no mekim ol pasin doti. Yu bai kisim bikpela amamas tru taim yu lukim Jehova i helpim ol Baibel sumatin bilong yu long mekim ol senis.

WATSIM VIDIO HELPIM OL BAIBEL SUMATIN LONG SAKIM OL PASIN DOTI, NA BIHAIN BEKIM OL DISPELA ASKIM:

• Olsem wanem ol elda na Neeta i soim olsem ol i bilip long Jade?

• Neeta i mekim wanem bilong givim sampela moa helpim long Jade?

• Jade i mekim wanem bilong Jehova i ken helpim em?