Epril 1-7
BUK SONG 23-25
Singsing 4 na Beten | Tok Bilong Kirapim Miting (1 min.)
1. “Jehova Em i Wasman Bilong Mi”
(10 min.)
Jehova i save lidim yumi (Sg 23:1-3; w11 5/1 31 par. 3)
Jehova i save lukautim yumi (Sg 23:4; w11 5/1 31 par. 4)
Jehova i save givim kaikai long yumi (Sg 23:5; w11 5/1 31 par. 5)
Jehova i save lukautim ol manmeri bilong em wankain olsem wasman bilong sipsip i save laikim na lukautim ol sipsip bilong em.
ASKIM YU YET, ‘Jehova i mekim wanem ol samting bilong lukautim mi?’
2. Mekim Wok Painimaut
(10 min.)
Sg 23:3—“Stretpela rot” i makim wanem samting? Wanem samting bai helpim yumi long bihainim yet dispela rot? (w11 2/15 24 par. 1-3)
Yu lainim wanem samting long Baibel ritim bilong dispela wik em yu laik kamapim?
3. Baibel Ritim
(4 min.) Sg 23:1–24:10 (th stadi 5)
4. Kirapim Toktok
(3 min.) AUTIM TOK LONG KAIN KAIN TAIM NA PLES. Yusim wanpela ves bilong Baibel long strongim man husat i tokim yu olsem em i tingting planti long win na wara samting. (lmd lesen 2 poin 5)
5. Gobek
(4 min.) AUTIM TOK LONG OL HAUS. Soim man long pasin bilong mekim Baibel stadi long wanpela husat i kisim buklet Stap Amamas Oltaim! (lmd lesen 9 poin 3)
6. Kamapim Ol Disaipel
(5 min.) lff lesen 14 poin 4 (lmd lesen 11 poin 3)
Singsing 54
7. Sakim Nek Bilong Man Yu No Save Long Em
(15 min.) Stori na givim ol askim.
Ol sipsip i save long nek bilong wasman na ol i save bihainim em. Tasol ol i save ranawe taim ol i harim nek bilong man ol i no save long en. (Jon 10:5) Olsem tasol, yumi putim yau long nek bilong ol Wasman husat i laikim yumi na yumi inap trastim ol, em Jehova na Jisas. (Sg 23:1; Jon 10:11) Tasol yumi sakim nek bilong ol man yumi no save long ol em ol i laik bagarapim bilip bilong yumi long rot bilong “ol tok giaman.”—2Pi 2:1, 3.
Buk Stat sapta 3 i stori long namba wan taim ol man long graun inap harim nek bilong wanpela man ol i no save long em. Satan i haitim em yet na toktok long Iv long rot bilong snek. Satan i giaman olsem em i pren bilong Iv, na em i senisim tok Jehova i mekim long ol. Sori tru, Iv i bilipim Satan, na dispela i givim hevi long em yet na famili bilong em.
Long nau Satan i kamapim ol ripot nogut, ol hap hap tok tru, na ol bikpela tok giaman bilong mekim yumi holim tupela tingting long Jehova na oganaisesen bilong em. Taim yumi harim wanpela nek yumi no save long en, yumi mas ranawe! Sapos yumi tingting long painimaut dispela nek i bilong husat na yumi lusim liklik haptaim long putim yau, dispela bai bagarapim yumi. Satan i mekim sotpela tok tasol na Iv i bilipim em! (St 3:1, 4, 5) Olsem wanem sapos wanpela yumi save long em—wanpela yumi laikim na ating em i ting em i laik helpim yumi—i laik tokim yu long wanpela tok i no stret long oganaisesen bilong Jehova?
Pilaim VIDIO Givim Baksait “Long Nek Bilong Em.” Bihain askim odiens:
Yu kisim wanem skul long pasin Jade i bihainim long ol infomesen em mama i no wanbilip i mekim?
8. Baibel Stadi Bilong Kongrigesen
(30 min.) bt sap. 8 par. 1-4, blok long pes 61-62
