Pasin laikim i kain olsem glu na i helpim famili long pas gut wantaim. Sapos i no gat pasin laikim, famili bai hatwok long pas gut na wok gut wantaim. Olsem wanem ol maritman, maritmeri, na papamama i soim pasin laikim insait long famili?

Maritman i gat pasin laikim bai tingim ol laik, tingting, na tingim filings bilong meri. (Ef 5:28, 29) Em bai lukautim famili long sait bilong bilip na kaikai na klos samting, na tu, oltaim em bai mekim Famili Lotu. (1Ti 5:8) Maritmeri i gat pasin laikim bai stap daun long man na givim “bikpela rispek” long em. (Ef 5:22, 33; 1Pi 3:1-6) Tupela wantaim i mas redi long fogivim narapela narapela. (Ef 4:32) Ol papamama i gat pasin laikim i save tingim tru wan wan pikinini bilong ol na skulim ol long laikim Jehova. (Lo 6:6, 7; Ef 6:4) Ol pikinini i bungim wanem ol hevi long skul? Ol i mekim wanem bilong karim hevi ol wanlain i putim long ol? Taim i gat pasin laikim insait long famili, olgeta long famili bai pilim seif.

PILAIM VIDIO KAMAPIM PASIN LAIKIM INSAIT LONG FAMILI, NA BIHAIN BEKIM OL DISPELA ASKIM:

• Olsem wanem maritman i gat pasin laikim i tingim na laikim meri bilong em?

• Olsem wanem maritmeri i gat pasin laikim i soim olsem em i gat bikpela rispek long man bilong em

• Olsem wanem papamama i gat pasin laikim i putim Tok Bilong God long bel bilong ol pikinini?