Taim yumi mekim ol gobek o Baibel stadi, yumi mas helpim ol man i harim tok long kliagut long ol bikpela tok. Taim yumi yusim ol tok piksa long kamapim ol bikpela tok, ol bai amamas long harim na ol bai tingim ol dispela tok.

Taim yu redi long mekim gobek o Baibel stadi, makim tasol ol bikpela tok em yu bai stori long en, na i no olgeta liklik tok. Na makim ol tok piksa long ol samting yumi save mekim long olgeta de. (Mt 5:14-16; Mk 2:21; Lu 14:7-11) Tingim sindaun na wok em man i harim tok i save mekim. (Lu 5:2-11; Jon 4:7-15) Taim yu lukim olsem em i amamas bikos em i klia long wanpela bikpela tok, dispela bai mekim yu amamas.

PILAIM VIDIO KISIM AMAMAS LONG WOK BILONG KAMAPIM DISAIPEL—YUSIM TOK PIKSA LONG KAMAPIM OL BIKPELA TOK, NA BIHAIN BEKIM OL DISPELA ASKIM:

• Wai na ol sumatin i mas kisim helpim na bai ol i kliagut long ol ves bilong Baibel?

• Neeta i mekim wanem tok piksa bilong kamapim klia tok i tru i stap long Rom 5:12?

• Olsem wanem gutpela tok piksa inap helpim ol man i harim tok bilong yumi?

• Long taim yumi autim tok, wai na yumi mas yusim ol vidio na ol narapela tul em oganaisesen bilong Jehova i redim bilong skulim ol man?