Taim yumi stap long dispela laspela hap bilong “las de,” yumi mas tingim olsem ol hevi bai i go nogut moa. (2Ti 3:1; Mt 24:8) Long taim bilong disasta, planti taim lain bilong Jehova i save kisim daireksen long taim stret bilong helpim ol long abrusim hevi. Bilong abrusim bagarap long bihain, long nau yumi mas bihainim tok, long sait bilong bilip na ol samting olsem kaikai na wara samting.—Lu 16:10.

• Redi long sait bilong bilip: Mekim gutpela sediul. Lain long autim tok long kain kain rot. No ken tingting planti sapos insait long sotpela haptaim yu no inap bung wantaim ol narapela long kongrigesen. (Ai 30:15) Jehova na Jisas i stap wantaim yu.—od 176 par. 15-17

• Redim kaikai na wara samting: Long ol beg we yu bai karim i go, olgeta long famili i mas i gat kaikai, wara, marasin, na ol narapela samting we ol mas i gat bilong i stap long narapela ples inap sampela haptaim.—Pr 22:3; g17.5 4, 6

LUKIM VIDIO YU REDI LONG KARIM HEVI BILONG DISASTA? NA BIHAIN BEKIM OL DISPELA ASKIM:

• Yumi mas mekim wanem bilong redi long sait bilong bilip?

• Wai na yumi mas . . .

  • toktok gut wantaim ol elda?

  • redim ol samting long taim bilong hevi?

  • skelim gen wanem kain ol disasta inap kamap na wanem ol samting yumi mas mekim?

• Yumi inap mekim wanem 3-pela samting long helpim ol narapela i karim hevi bilong disasta?

ASKIM YU YET, ‘Bikpela sik bilong COVID-19 i givim wanem skul long mi long ol samting mi mas mekim bilong redi?’