Olsem ol manmeri i gat sin, oltaim yumi hatwok long bosim ol laik bilong yumi. Sapos yumi bihainim tasol ol laik bilong yumi, Jehova i no inap orait long yumi. Olsem, sampela i larim pasin bilong laikim kaikai, klos, na haus i winim pasin bilong ol long laikim God. Na ol narapela i tingting long inapim laik bilong ol long mekim maritpasin na ol i bihainim pasin we i brukim ol lo bilong God. (Ro 1:26, 27) Na tu, ol narapela i bihainim ol wanlain na mekim ol pasin i no stret bikos ol i laik bai ol narapela i mas orait long ol.—Ki 23:2.

Hau bai yumi bosim ol laik bilong yumi? Yumi mas wok strong long tingim ol samting em Jehova i amamas long en. (Mt 4:4) Na tu, yumi mas askim Jehova long helpim yumi long bosim ol laik bilong yumi. Wai? Bikos em i save long wanem samting bai stret tru long yumi na em i save long hau em bai inapim ol laik bilong yumi.—Sg 145:16.

WATSIM VIDIO NO KEN LARIM SMOK I BAGARAPIM LAIP BILONG YU, NA BIHAIN BEKIM OL DISPELA ASKIM:

• Bilong wanem sampela manmeri i save smok?

• Smok inap mekim wanem long yu?

• Wai na pasin bilong smok i no stret?—2Ko 7:1.

• Hau bai yu tok nogat long smok o lusim pasin bilong smok?