Bilong amamasim God, ol Baibel sumatin i mas kisim strongpela bilip. (Hi 11:6) Yumi ken helpim ol long mekim olsem long rot bilong yusim buk Stap Amamas Oltaim! Dispela buk i gat ol skripsa, ol tok i klia, ol gutpela askim, ol vidio, na ol naispela piksa. Taim yumi helpim ol sumatin long kisim ol pasin Kristen na i go klostu long God, dispela i olsem yumi wokim haus long ol samting we paia i no inap bagarapim.—1Ko 3:12-15.

Sampela manmeri i pilim olsem i hatwok long stap pren bilong God, em man ol i no inap lukim long ai. Olsem na yumi mas helpim ol long kisim save long Jehova na trastim em.

WATSIM VIDIO STRONGIM BILIP LONG JEHOVA LONG ROT BILONG YUSIM “STAP AMAMAS OLTAIM!” NA BIHAIN BEKIM OL DISPELA ASKIM:

• Hau na yumi save olsem sista i redim gut stadi?

• Hau na em i yusim ol gutpela askim bilong helpim sumatin long kamapim tingting bilong em long Aisaia 41:10, 13?

• Olsem wanem dispela vidio na ol ves bilong Baibel i helpim sumatin?

Planti manmeri i no kliagut long pe bilong baim bek man, o ol i no tingim olsem em wanpela presen God i givim long ol. (Ga 2:20) Olsem na yumi mas helpim ol long bilip long pe bilong baim bek man em Jisas i givim.

WATSIM VIDIO STRONGIM BILIP LONG JISAS LONG ROT BILONG YUSIM “STAP AMAMAS OLTAIM!” NA BIHAIN BEKIM OL DISPELA ASKIM:

• Hau na yumi save olsem brata i redim gut stadi?

• Hau na em i mekim gutpela wok long hap “Mekim Wok Painimaut” bilong helpim sumatin?

• Bilong wanem beten em bikpela samting long sumatin?