Gutpela meri i save stori long ol gutpela pasin bilong man bilong em. Long taim bilong King Lemuel, “ol hetman bilong ples i givim biknem long man” husat i gat gutpela meri. (Sd 31:23) Long nau, ol brata i gat gutpela nem i mekim wok olsem ol elda na ministerial sevan. Sapos brata i marit, orait em bai mekim gut wok sapos meri bilong em i gat gutpela pasin na i sapotim em. (1Ti 3:4, 11) Ol gutpela meri olsem bai amamasim man bilong ol, na kongrigesen tu bai amamas long ol.

• mekim ol gutpela tok bilong strongim man.—Sd 31:26

• sapotim man long ol wok em i mekim insait long kongrigesen.—1Te 2:7, 8

• amamas long ol samting em i gat pinis.—1Ti 6:8

• no askim em long ol samting bilong kongrigesen we em i no gat wok long save long en.—1Ti 2:11, 12; 1Pi 4:15