Gutpela wokboi i gat savetingting i save givim yumi kaikai “long taim stret,” dispela i kamapim klia olsem Jehova, em man i stiaim wokboi i gat savetingting, em i save long ol samting yumi nidim bilong strongim bilip bilong yumi. (Mt 24:45) Ol rijinel kibung na ol miting yumi save mekim namel long wik i kamapim klia dispela samting.

LUKIM VIDIO 2017 RIPOT BILONG KOMITI BILONG WOK TISA, NA BIHAIN BEKIM OL DISPELA ASKIM:

• Ol kibung i save kamap long taim stret na yumi save kisim amamas long ol. Olsem na i stret yumi givim biknem long husat? Bilong wanem?

• Ol i save tingim wanem samting bilong kamapim wanpela kibung?

• Ol i save mekim wanem bilong makim ol tok bai kamap long kibung?

• Ol i save mekim wanem ol wok bilong redim ol kibung?

• Olsem wanem ol i bihainim pasin bilong stadi em ol i save mekim long skul Gileat bilong raitim ol tok yumi stadi long en namel long wik?

• Olsem wanem ol narapela narapela dipatmen i wok wantaim long redim miting wok buk?

Yu pilim olsem wanem long ol samting Jehova givim bilong strongim bilip bilong yumi?