5:5-7, 11

Long Israel long bipo, pasin bilong i stap rabis i no pasim man long kamap wanbel wantaim Jehova. Ol Israel i stap rabis inap givim ol ofa em Jehova i orait long en, bikpela samting em ol i givim samting i nambawan tru. Ol i ken givim plaua, tasol Jehova i laik bai dispela plaua em i “gutpela,” em kain plaua ol i save kukim na givim long ol man i kam visitim ol. (St 18:6) Long nau, maski yumi gat wanem kain sindaun, taim yumi ‘givim biknem long God, dispela i olsem sakrifais yumi givim long em,’ na Jehova i save orait long dispela.—Hi 13:15.

Olsem wanem dispela i strongim yu sapos yu no inap mekim bikpela wok moa, long wanem, ating helt bilong yu i no gutpela o yu no gat strong olsem long bipo?